O primm post Lyrics
[Testo di “O primm post”]
[Intro: Luchè]
Ehi (Ehi)
Ehi
[Strofa 1: Luchè]
‘A verità nn’tene bisogno ‘e spiegazione
L’ansia ‘e prestazione bloccava l’ispirazione
Perso ‘int’a na casa ch”e cristalle appise sott”ô suffitto
Mo sto rappanno comme si nn’tenesse ‘e sorde pe ll’affitto
Aggio sempe preferito l’amicizia a nu profitto, ah
Ma, si ce penzo, ‘e sorde nn’m’hanno maje tradito
Forse, forse ‘e principie nun teneno conte d”e rischie
‘E diavele ‘int’a ll’inferno nun teneno conto d”e ricche
 ggente mia nun ce dongo ‘e sorde, c’aggio dato n’idea, c’aggio dato n’esempio
Ca, si more pe coccosa, po se vive pe sempe
Damme n’appoco ‘e tiempo
Damme na chance ‘e te spiegà mo tutte chello che sento
Tenevo ‘o carcere ‘e rimpetto, ‘e piazze ‘e droga ‘ncopp’â destra
Nu passato ca nn’s’arrenne e nu futuro sott’inchiesta
Vieste ch”e panne spuorche pure ‘o fine ‘e semmana
Comme faje a me dà tuorto si me sto vendicanno?
‘O chià, vaje chiano, fa’ na canna, lassa stà, nn’ce penzà
Ca nu tramonto ‘ncopp’â spiaggia nun è cchiù assaje luntano
Strano ca ancora t’hê ‘a ‘mparà ca ‘a gentilezza ogge è rara
E ca annanze a n’obbiettivo giusto ‘a dignità scumpare
Tengo ‘a ricetta pe stà bbuono comme a nu dottore
Ma si nun tiene sentimento, fra’, te magno ‘o core
Quanti chiammate senza maje na risposta
Hanno pruvato a me fà male, me so’ miso ô primmo posto
[Ritornello: Ntò & Luchè]
T’aggio dato tutto chello che tenevo
T’aggio ditto tutto chello che sentevo, po
M’aggio miso ô primmo posto
Nun simmo maje state ô primmo posto
Ma simmo sempe state ‘o primmo posto
T’aggio dato tutto chello che tenevo
T’aggio ditto tutto chello che sentevo, po
M’aggio miso ô primmo posto, ah
Nun simmo maje state ô primmo posto
Ma simmo sempe state ‘o primmo posto
[Strofa 2: Ntò]
‘Int’â classe d”o liceo assettate areto ‘a tutte (Jamme, Ntò)
Ascevemo a fumà ‘e cannune dint’ê ciesse a turno (Seh)
Studiavo no pe me fà accattà ‘o mezzo, pe cultura (Sempe)
Sapevo chi ‘esse vuluto essere ggià da criaturo (Co’Sang)
Er”a ascì sulo a m”o piglià, pacienza pe ‘mbucà comme e ‘o biliardo
Nu buco se fa patrimonio immobiliare (Già saje)
V’ammo fatte miliardarie comme ‘e sore Kardashian
Ma, si nn’tiene morale, ‘e denare songo cartaccia (Bitches)
Pe coccheduno ‘a furtuna so’ stelle ca s’allineano (Pe’mmé)
Pe’mmé so’ alleanze ca astrigne e nun vivere al limite (No)
Hanno ‘a sapé chi songo, ‘mmiez’â via addu nuje era guerra (Marianella)
‘E piezze d”e Co’Sang ereno ‘o visore VR (L’ammo fatto vedé)
Nun dico, nun cantavo si essa steva ô primmo posto (No)
Ma nn’incantava tutt”o Paise ô primmo disco nuosto (Seh)
Sulo ‘a nun fà cchiù musica pruvasse nu rimorso (Ma serio)
No p’una ca adoppo ddoje juorne ha rimosso ‘o ricordo (Bu-bu)
‘E tratto bbuono sulo p”a femmena ch’era ‘a nonna (Serio)
Gossip e storie tossiche sulo pecché ero i’, Ntò (Eh)
Core friddo, not caring, quanto suffrevo ‘a dinto (‘Nfame)
Mo so’ figure astratte comme ‘int’ê quadre ‘e Keith Haring
Me deridevano, pe lloro nn’ero meritevole
Veco a ‘int’ô vetro scuro, me inquadrano ch”e telefone (Cheese)
Animale ‘int’ô zoo, ma rimmango ‘int’â zona
Nun cerco ‘e me fà cronaca mentre guardo l’azione (I’m out)
[Ritornello: Luchè & Ntò]
T’aggio dato tutto chello che tenevo
T’aggio ditto tutto chello che sentevo, po
M’aggio miso ô primmo posto
Nun simmo maje state ô primmo posto
Ma simmo sempe state ‘o primmo posto
T’aggio dato tutto chello che tenevo
T’aggio ditto tutto chello che sentevo, po
M’aggio miso ô primmo posto, ah
Nun simmo maje state ô primmo posto
Ma simmo sempe state ‘o primmo posto