Aye Mere Vatan Ke Logon Song Lyrics
Aye mere vatan ke logon, tum khub laga lo naara
Yeh shubh din hai ham sab kaa, lahara lo tiranga pyaara
Par mat bhulo sima par, viron ne hai pran ganvaaye
Kuchh yaad unhe bhi kar lo – (2)
Jo laut ke ghar naa aaye – (2)
(Aye mere vatan ke logon, jara aankh me bhar lo paani
Jo shahid huye hain unaki, jara yaad karo kurbaani) – 2
Jab ghaayal huwa himalay, khatare me padi aajaadi
Jab tak thi saans lade woh – 2, phir apni laash bicha di
Sangeen pe dhar kar maatha, so gaye amar balidaani
Jo shahid huye hain unaki, jara yaad karo kurbaani
Jab desh me thi diwali, woh khel rahe the holi
Jab ham baithe the gharo me, woh jhel rahe the goli
The dhanya javaan woh aapane, thee dhanya woh unaki javaani
Jo shahid huye hain unaki, jara yaad karo kurbaani Koyi sikh koyi jaat maratha – 2, (koyi gurakha koyi madaraasi) – 2
Sarahad pe maranewala – 2, har veer tha bhaaratavaasi
Jo khun gira parvat par, woh khun tha hindustani
Jo shahid huye hain unaki, jara yaad karo kurbaani
Thi khun se lath path kaaya, phir bhee banduk uthaake
Das das ko ek ne maara, phir gir gaye hosh ganvaake
Jab ant samay aaya toh – 2, kah gaye ke abb marate hain
Khush rahana desh ke pyaaro – 2, (abb ham toh safar karate hain) – 2
Kya log the woh diwaane, kya log the woh abhimaani
Jo shahid huye hain unaki, jara yaad karo kurbaani
Tum bhul naa jaao unako, iss liye kahee yeh kahaani
Jo shahid huye hain unaki, jara yaad karo kurbaani
Jay hind, jay hind ki sena – (2)
Jay hind, jay hind, jay hind
Movie / Album:Independence Day Songs Lyrics
Language:Hindi
Lyricist:Kavi Pradeep
Singer’s:Lata Mangeshkar
