Dinastia Lyrics
[Testo di “Dinastia”]
[Strofa 1: Ntò]
Tiempo è vulato
O t’alluntana o te fa cchiù cumpagno
P”a volante
Si ‘a machina era bbona, era arrubbata
Frequentanno sulo afro queen
Niente europee ch”e labbra finte
Cercano ‘a parità e po n’apprufittano
Speravo sulamente ‘e sentí: “Pure i’ t’amo”
‘Int’ê parche popolare senza n’opportunità
2Pac ce faceva sentí cchiù napulitane
Maje visto a uno ca nn’se fa na pelle si fa denare
Ma l’aggio visto ‘e perdere ‘a pelle si se separa
SP2 Ferrari, gozzo Aprea, ‘int’â baia ‘e Napule apnea
Vulevo na doppia R, ma ‘a quanno è scuppiata ‘a guerra
Desse tutto chello che tengo p’aizà chella ggente ‘a terra
[Strofa 2: Luchè]
Simmo crisciute ‘e rimpetto (Uh)
Nun fumà ‘int’â machina che po a patemo chi ‘o sente (Ah)
Si faje na striscia ‘ncopp’a ‘stu specchietto, arrivammo a Surriento ‘int’a niente (Uh)
Nun m’aggio sentuto nu divo firmanno n’autografo
Tengo assaje cchiù obbiettive ‘e nu fotografo
Fatto cchiù movimente ‘e nu coreografo senza fa nu passo areto (Maje)
Stevo annanze a na scelta (Uh)
‘O munno mio me l’aggio pigliato
Chello che tengo nn’me l’hanno dato
Primma ‘e te fa n’idea pecché nn’t’assiette a tavola?
Te spiego ca, si miette na cornice dorata, cagna pure ‘o quadro
Periferia nun è sempe degrado
‘E sorde pe’mmé so’ nu mezzo comme a nu pullman (Ehi)
Puortame addò simmo tutte na squadra e nisciuno cummanna
‘Int’a nu munno addò vence l’hype nn’ce può fermà
Pecché ausammo ‘a verità comme a n’arma (Pah, pah)
Quanno ‘o core nun era abbastanza, c’ammo dato l’anema
Comme si essere schiavo d”o lusso te fa meno schiavo
Comme si nun ‘esse sufferto quanno ‘a ggente m’abbandunava
Sulo na cosa è certa
Mo ch’ammo scunfitto l’esame d”o tiempo
È meglio niente ‘nzieme ch’essere ricche sule
Ma mo simmo ricche ‘nzieme
[Ritornello: Luchè & Ntò]
Nun te commuovere, nun è nu piezzo triste
Chisto è pe salutà chi c’ha vuluto bbene
È musica, nun è memoria, ‘a tuocche ancora ch”e mane
T’aiuta p”a vittoria, scorre ‘int’ê cose che faje
Nun te commuovere, nun è nu piezzo triste
Chisto è pe salutà chi c’ha vuluto bbene
È musica, nun è memoria, ‘a tuocche ancora ch”e mane
T’aiuta p”a vittoria, scorre ‘int’ê cose che faje
[Outro: Luchè & Ntò]
Co’Sang
